ད་ལྟ་ཁྱེད་ཀྱི་གནས་ཡུལ་ནི། - ཙོང་ཆུའི་དྲ་བ། >> ལོ་རྒྱུས། >> ཞིབ་ཏུ་མཇལ་བའི་བརྒྱུད་རིམ།

ཞིབ་ཏུ་མཇལ་བའི་བརྒྱུད་རིམ།

[རྩོམ་གྱི་ཡོང་ཁུངས། ངེད་དྲ་བ།] [རྩོམ་པ་པོ། དུང་དཀར་བློ་བཟང་འཕྲིན་ལས།] [ཟླ་ཚེས། 10-05-28] [ཀློག་གྲངས། ]

ད་ཡོད་ཀྱི་དཔྱད་གཞིའི་ཡིག་ཆ་གཞིར་བཟུང་ན། དེ་སྔོན་བོད་ཀྱི་བཙན་པོ་སྲོང་བཙན་སྒམ་པོ་མ་བྱོན་གོང་གི་ལོ་བདུན་བརྒྱ་སུམ་ཅུ་སོ་གཅིག་གི་སྔོན་ལ་བཙན་པོ་གཉའ་ཁྲི་བཙན་པོ་བྱུང་ཞིང་། དེའང་རང་རྒྱལ་གྱི་ཧན་ནུབ་མའི་རྒྱལ་རབས་ཀྱི་གོང་མ་ཧན་ཨུ་རྡི་དང་ཕལ་ཆེར་དུས་མཚུངས་པར་སྣང་སྤྱི་ལོའི་གོང་གི༡༤༠སྤྱི་ལོ༨༧བར། དེ་ནས་རྒྱལ་རབས་སུམ་ཅུ་པ་འབྲོ་གཉན་ལྡེའུའི་བར་བོད་ཀྱི་ས་གནས་ཁག་རྣམས་རུས་རྒྱུད་ཚོ་པ་ཁག་མང་པོས་བཅད་བཟུང་བྱས་ཏེ་ཁ་འཐོར་དུ་གནས་པ་ལས་སུས་ཀྱང་གཅིག་གྱུར་བྱེད་མ་ཐུབ།  རྒྱལ་པོ་སྟག་རི་སྙན་གཟིགས་ཀྱིས་སྲིད་དབང་བཟུང་རྗེས། བན་པ་རྗེ་དང་།  འ་ཞ་རྗེ། བྲང་དཀར་རྗེ་སོགས་རུས་རྒྱུད་ཚོ་བའི་རྒྱལ་ཕྲན་འགའ་ཞིག་མངའ་འོག་ཏུ་བསྡུ་མགོ་ཚུགས།དེའི་སྲས་གནམ་རི་སྲོང་བཙན་གྱི་དུས་སུ་འཕན་ཡུལ་གྱི་ཟིང་པོ་རྗེ་དང་གཙང་གི་མར་མུན། དྭགས་པོ་ས་ཁུལ་བཅས་མངའ་འོག་ཏུ་བསྡུས་ཏེ།བོད་ས་གནས་ཀྱི་རུས་རྒྱུད་ཚོ་པ་རྣམས་གཅིག་གྱུར་བྱེད་པའི་རྨང་གཞི་བཏང་།  དེ་རྗེས་བཙན་པོ་སྲོང་བཙན་སྒམ་པོས་སྲིད་དབང་བཟུང་རྗེས།སྔར་ཡོད་བཙན་པོ་གོང་མའི་དུས་ཀྱི་མངའ་ཁོངས་སྲ་བརྟན་དུ་བཏང་ཐོག་ད་དུང་ནུབ་ཕྱོགས་ཀྱི་ཞང་ཞུང་དང་། བྱང་ཕྱོགས་ཀྱི་འ་ཞ་དང་།གྲུ་གུ སུམ་པ་བཅས་དང་། ལྷོ་ཕྱོགས་ཀྱི་འཇང་བཅས་མངའ་འོག་ཏུ་བསྡུས་པ་ལས་མངའ་ཁོངས་སྔར་ལས་རྒྱ་ཆེ་རུ་སོང་བ་མ་ཟད།  རུས་རྒྱུད་ཚོ་པ་ཁག་གཅིག་གྱུར་བྱས་ཏེ་བོད་མི་རིགས་ཀྱི་རྣམ་པ་ལྡན་པའི་སྲིད་དབང་ཐོག་མར་འཛུགས་ཐུབ་པའང་བྱུང་ངོ་།། རིམ་བཞིན་སྤེལ་བར་བྱ།

དཔྱད་གཏམ།

དཔྱད་གཏམ་སྤེལ་བ།
པར་དབང་ཡོད་ཚད་ངེད་ཙོང་ཆུའི་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་བརྒྱུད་འགོད་བྱེད་མི་ཆོག
Copyright © 2010 Tsongchu.coM All rights reserved. Powered by: Tibetitw.coM
E-mail:[email protected]  QQ:1239685970 QQ:32460212  MSN:[email protected]